30 أكتوبر 2021
كلمات اغنية مدنية حرية وسلام احمد امين
دجينا زي ناس المسيد هتفنا لي دم الشهيد
واجهنا دوشكا وار بي جي عشان نبني سودانا الجديد
وهمستا في طرف الخليقة اريتو كان حميد شديد
كان غز حرفه على الرصيف كان ترع الساحات قصيد
كان هز بي سيف النصر كان مد للكنداكه ايد
هسع كتبنالك جواب شالوهو هزاع والوليد
فجعونا عساكر الرماد اتهمونا بالبانقو الحشيش
مديتلو تمرة وزهرتين مدالي 100 طلقة ليش
هجمونا والبنوت نيام درشونا بالدوشكات دريش
جيناهم قالد وطن غدرونا في نص الهويش
في حرمة الشهر العظيم حتونا زي كفار قريش
مديتلو تمرة وزهرتين مدالي 100 طلقة ليش
يا امي لازم تعفي لي شان زغت خليتكم نيام
كان بالي في الترس لهناك صايمين وبايتين في الخيام
جات طلقة في نص كبدتي ورمتني لا حس ولا كلام
لا تبكي لا تحدي لي يوم واقريلي للترس السلام
وتكتبوا فوق لتربتي مدنية حرية وسلام
